دينار رسوم اختلاس حكومي آخر

هالمرة وزي كل مرة بتطلعلنا الحكومة بنهفه لطش جديدة. تعودنا عالمبالغ الإضافية على الفواتير، واللّي بتتسمّى بمسميات غريبة متل ضريبة مبيعات، ضريبة دخل، رسوم حاويات،وإشي سمّوه ضريبة إضافية... وسمي اللي بخطر عبالك. شي منعرفو وشي مش فاهمين معناه وشي لهلأ عم مندورعلى مردوده، زي ضريبة الجامعات على فواتير المي "على حد زاكرتي" هاي الضريبة "المتواضعة" بتندفع كل دورة -ونقلا عن النظام الضريبي الغربي(ما احنا عنا كل شي نقلا عن)- فهية عشان تكون كتغطية لتكاليف دراسة الولد/البنت بالجامعة، بس هالحكي نشكر الله ما في منه، نقلنا الضريبة ونسينا هدفها مع اليمامة!! المهم بلا طول هالسيرة، في ظل التطور التكنولوجي والاتصالات اعتمدت الحكومة وتحديدا وزارة المالية اسلوب حديث، وهو انها تاخد من رصيد كل خط هاتف خلوي مبلغ دينار.. هيك من الباب للطائة، بتوصل للمواطن طالب كان أو عامل أو.. رسالة من شركة خطه (امنية فاست لينك موبيلكم) بتقول بناء على توجيهات وزارة المالية تم خصم دينار رسوم جامعة من رصيدك !!! تشرفنا عمو! طب مالساعة الدراسية للطالب العادي وصلت في الجامعات الحكومية 40 و50 دينار! شو هاي اللي بطالبو فيها؟!؟ ومين ازنلك انك تسحب من رصيدي!!! بيعني البطاقة بـ7 دنانير بعلمي وتقبلي احسن ما تلطش مني بكيفك وعلى غفلة مني
يا مواطنة يا مواطن: دينار ضريبة مبيعات مبارح وديناررسوم للجامعات اليوم ، ستنو بكرة دينار لدعم مرضى حصر البول بالدماغ
ولا شو؟؟؟؟